26 novembre 2010
In su programa radiofònicu Jannaberta, trasmìtiu dae Radio Rai Sardegna, Tore Cubeddu atòbiat iscritores sardos de oe pro dare una bentana a sos literaos presentes oje in Sardigna chi imprean sa limba natzionale.
De importu su fatu chi, paris cun s’òpera sua, s’autore presentet una cantone istranza e unu libru istranzu chi sun istados formativos in s’esperièntia sua.
In custa puntada at atobiau Manuelle Mureddu, autore de còmics (contos a fumetes), illustradore, iscritore in sardu e ativista de iRS in sa regione de Nùgoro.
S’at a faeddare de sas òperas suas èditas dae domos editoras medas e, mescamente, de su libru Arbarèe- Contos de sa terra de s’Arbore, essiu pro Domus de Janas editore.
Mureddu in iRS est istadu responsàbile regionale e oe travallat in su setore culturale de su movimentu.
–
Scarica il file in Mp3 Jannaberta
oppure ascolta la puntata su Sardegna Digital Library
–
