In custu momentu sa Sardigna est colende sa crisi prus manna de s’autonomia, una crisi chi aunit a sa congiuntura internatzionale una mancàntzia de infrastruturas materiales e imateriales, custa mancàntzia in sos ùrtimos sessant’annos no est mai istada colada ma antzis a onni istajone peorat sèmper de prus mescamente si faghimus paragones non cun s’Italia ma cun s’Europa e su mundu.
Totu su traballu polìticu e culturale, fatu dae cando semus nàschidos, deghe annos a como, at fatu a manera de ispàrghere in totue su pensu indipendentista. Sas polìticas de soberania progetadas e aplicadas ant mudadu sa manera de pensare de sardos medas. Custa cussèntzia, in sos ùrtimos meses, at fatu crèschere su nùmeru de sas dibatas polìticas: sos temas de s’indipendèntzia e de soberania ant tentu importu mannu.
Sa cumpetitzione eletorale italiana nd’at leadu tzentralidade a sa dibata, nois però pensamus chi a pustis de sas eletziones nd’at a torrare a bessire a pìgiu.
Oe soberania cheret nàrrere a tènnere responsabilidades e a leare detzisiones subra temas chi sinnant sa sorte de sa Sardigna.
Sos temas e sas atziones de sos partidos traditzionales ripitint in custas dies de campanna eletorale ischemas giai bidos, su ruolu de rapresentàntzia in sas càmeras italianas paret un’àtera borta mìseru o pòberu de sustàntzia. Sos echilìbrios de partidu binchent galu subra cussos chi sunt sos bisòngios de sa Sardigna, su votu leat sos piessignos de sa dèlega, cussa dèlega chi imbetzes de fàghere nàschere responsabilidades at fatu derrùere sa Sardigna.
Si oe leare parte a sas votatziones italianas est galu un’atu de dèlega, progetare unu guvernu de soberania natzionale pro cras est un’atu de responsabilidade.
Pro fàghere custu iRS at seberadu de guvernare sos territòrios pro mèdiu de sos amministradores suos: sìndigos, consigeris provintziales e comunales. Sa retza de sos comunes nostros rapresentat su patrimòniu prus mannu de s’ìsula. Partimus dae inoghe pro nche leare su modellu nostru de guvernu a totu sa Sardigna, cun su cumbinchimentu chi sa Sardigna si podet mudare partende dae issa etotu.
Subra de custu abarramus firmos impinnende totus sa fortzas nostras in sa chirca e in sa pràtica de maneras de guvernare chi potzant megiorare a beru sa vida de sos tzitadinos in sos comunes in ue nois guvernamus.
iRS a sas eletziones de su 24 e de su 25 de freàrgiu de su 2013 non votat, at a sighire a traballare pro aunire totus cussas fortzas chi credent a beru in su fràigu de unu guvernu de soberania natzionale Sarda.
iRS – indipendentzia Repubrica de Sardigna
Assemblea Natzionale
**********************************************************************
Versione in italiano
**********************************************************************
La Sardegna sta attraversando la più grave crisi dell’Autonomia, una crisi che unisce alla congiuntura internazionale un deficit di infrastrutture materiali ed immateriali che negli ultimi sessant’anni non è mai stato colmato, ma che si aggrava di stagione in stagione, di emergenza in emergenza, di vertenza in vertenza, soprattutto se prendiamo come termine di paragone sempre meno l’Italia e sempre di più l’Europa ed il Mondo.
Dalla nostra nascita, dieci anni di lavoro politico e culturale hanno portato ad una diffusione capillare del pensiero indipendentista. Le politiche di sovranità progettate ed applicate hanno cambiato il modo di pensare e di pensarsi di molti Sardi. Questa presa di coscienza negli ultimi mesi ha imposto un’accelerazione al dibattito politico: i temi sull’indipendenza e sulla sovranità hanno acquisito piena centralità.
Questa centralità del dibattito è stata provvisoriamente deviata dall’irruzione della competizione elettorale italiana, ma noi crediamo che riemergerà inesorabilmente all’indomani delle votazioni .
Sovranità significa oggi assumere responsabilità e decisione sui temi che determinano le sorti della Sardegna.
Al contrario i temi e le prassi adottate dai partiti tradizionali replicano in questi giorni di campagna elettorali schemi già visti, il ruolo di rappresentanza nelle camere italiane pare ancora una volta svilito, deviato e povero di contenuti. Gli equilibri di partito vincono ancora rispetto alle esigenze della Sardegna, il voto assume tutte le caratteristiche della delega, la stessa delega che, opposta alla presa di responsabilità, ha portato l’isola al collasso.
E se partecipare alle votazioni italiane oggi è ancora un atto di delega, progettare un governo di sovranità nazionale per il domani, è un atto di responsabilità.
Per far questo iRS ha scelto la strada del governo dei territori attraverso i suoi amministratori: sindaci, consiglieri provinciali e comunali. La rete dei nostri comuni rappresenta il più grande patrimonio dell’Isola. Da qui partiamo per portare il nostro modello di governo in tutta la Sardegna, con il profondo convincimento che la Sardegna, si cambi dalla Sardegna .
Rimarremo concentrati su questo, impegnando le nostre energie nella ricerca e applicazione di modalità di governo che possano incidere realmente e che stanno già cambiando la vita dei cittadini nei comuni dove noi governiamo.
iRS non parteciperà alle elezioni italiane del 24 e 25 febbraio 2013, ma continuerà a lavorare per aggregare tutte quelle forze che credono nella costruzione di un governo di sovranità nazionale Sarda.
iRS – indipendentzia Repubrica de Sardigna
Assemblea Natzionale
