Su 9 de santandria su senadu at aprovadu unu ddl chi faghet obligatòriu s’imparu de s’innu de Mameli me in iscola e chi faghet sa die de su 17 de martzu ”Giornata dell’Unita’ della Costituzione dell’Inno e della Bandiera”. Est unu passu in prus in cussa àndala chi s’istadu italianu aiat incumentzadu giai in su 2011 cun su 150° anniversàriu de s’Unità d’Italia, cando at impostu de fàghere festa a is traballadores oblighende·ddos a pigare una die de fèrias.
Dae cussas dies amus cumpresu ca s’Itàlia est impignada in una faina de re-imbentu e ristruturatzione de unu sentidu de unidade natzionale chi no at tentu mai e chi mai at a tènnere, giai chi pro prima no atzetat e no respetat is minorias linguìsticas e duncas natzionales chi bivent in su territòriu suo e duncas sa sola manera chi tenet de si faghere respetare est a impònnere detzisiones tzentralistas a marolla e pro fortza.
Lassende a una parte su fatu chi finas is italianos chi s’intendet tales tenent carchi dificultade a si reconnòschere in un’innu risorgimental-fascista, iscritu po sustènnere is Savoia in sa gherra de ismanniamentu de su regnu Piemontesu me is territòrios de sa penìsula italiana; un’innu chi cantat sa morte, su sàmbene e sa gherra contra a s’inimigu austrìacu chi oe est unu bighinu de domo pro s’Itàlia a intro de s’Europa, benimus a cunsiderare prus a prestu ite bolet nàrrere custa impositzione pro is sardos.
Custa leghe paret ancora prus istonada in custas dies chi is sardos sunt in pratza e in sa bia manifestende su grandu disàgiu econòmicu e sotziale chi dipendet dae sa cunditzione chi biet sa Sardigna che “schiava di Roma”. E nois dda bolimus sighire a cantare custa cunditzione? Est custa s’erèntzia chi bolimus lassare a fìgios e nebodes nostros? O nde cherimus essire dae custa cunditzione e cantare un’innu a sa libertade?
Semus istracos de morte, tristura, sacrifìtzios e tzerachia. Cherimus pesare una generatzione de pitzinnas e pitzinnos allirgos oe chi siant fèminas e òmines lìberos cras.
iRS – indipendèntzia Repùbrica de Sardigna proponet de sighire s’esempru de s’Alto Adige/ Südtirol chi, non bolende subire passivamente custa leghe de su senadu, at detzisu de nàrrere ca nono faghende riferimentu a s’artìculu 6 de sa Costitutzione Italiana etotu: chi tutelat is minorias linguìsticas. Non cherimus pònnere mente a custu òrdine pro ite chi est finas incompatìbile cun su progetu nostru pro s’Iscola Sarda: depimus recuperare totu su tempus chi no amus istudiadu sa limba sarda che una limba normale e s’istòria sarda dae su Paleolìticu a oe. Depimus preparare is dischentes nostros a bivere in custa terra e pro custa terra, non tzertu a mòrrere pro s’Itàlia.
iRS ghetat duncas un’apellu a is istitutziones de sa Regione Autònoma de Sardigna, e mescamente a is consigieris regionales, chi sende parte de su guvernu de sa regione podent atuare, sighende s’esempru de su Alto Adige/ Südtirol, una leghe regionale chi tutelet su deretu nostru a no impònnere s’imparu de s’innu a is istudiantes sardos. Giai in su mese de martzu unos consigieris si fiant fatos portadores de una protesta contra a su ddl: immoe ddis pedimus chi custa protesta no siat faeddos ebbia!
Custa est s’ora de estirpare sos abusos e sos malos usos made in Italy!
Un’importu mannu ddu tenent in finas is mamas e a is babbos de Sardigna e is insegnantes de ònnia òrdine e gradu: a issos pedimus de si interrogare a subra de su rolu chi tenent in s’educatzione de is giòvanos sardos, e de si pònnere una manu in sa cussèntzia pro si pregontare si de a beru bolent chi is valores de morte e de sacrifìtziu chi cantat s’innu de Mameli siant a fundamentu de sa sotziedade tzivile chi sunt formende pro cras.
iRS – indipendèntzia Repùbrica de Sardigna
**********************************************************************
Versione in italiano
**********************************************************************
Siam pronti alla Vita!
Il 9 di novembre il senato ha approvato un ddl che rende obbligatorio l’insegnamento dell’inno di Mameli nelle scuole e che istituisce il 17 marzo come “Giornata dell’Unita della Costituzione dell’Inno e della Bandiera”. È un ulteriore passo in quella strada che lo stato italiano aveva intrapreso già nel 2011 con il 150° anniversario dell’Unità d’Italia, quando ha imposto ai lavoratori di festeggiare e di prendere un giorno di ferie.
Da quei giorni abbiamo capito che l’Italia è impegnata in un’impresa di reinvenzione e ristrutturazione del sentimento di unità nazionale che non ha mai avuto e che mai avrà, giacché per prima non accetta e non rispetta le minoranze linguistiche e quindi nazionali che vivono nel suo territorio e per questo l’unico modo che ha di farsi rispettare è quello di imporre decisioni centraliste a tutti i costi e con la forza.
Lasciando da parte il fatto che perfino gli italiani che si sentono tali hanno qualche difficoltà a riconoscersi in un inno di stampo risorgimental-fascista, scritto in supporto alla propaganda Savoiarda, per la campagna di espansione Piemontese sui territori della penisola italiana; un’inno che canta la morte, il sangue e la guerra contro il nemico austriaco che oggi è un vicino di casa per l’Italia dell’Unione Europea, andiamo a considerare piuttosto cosa significhi questa imposizione per i sardi.
Questa legge sembra ancora più stonata in questi giorni in cui i sardi sono in piazza e per la strada a manifestare il grande disagio economico e sociale che in gran parte dipende dalla condizione che vede la Sardegna come “schiava di Roma”. E noi vogliamo continuare a cantare questa condizione? È questa l’eredità che vogliamo lasciare ai nostri figli e ai nostri nipoti? O vogliamo uscire da questa condizione e cantare un inno alla libertà? Siamo stanchi di morte, tristezze, sacrifici e servitù. Vogliamo crescere una generazione di bambine e bambini allegri oggi, che siano donne e uomini liberi domani.
iRS – indipendèntzia Repùbrica de Sardigna propone di seguire l’esempio dell’Alto Adige/ Südtirol che, non volendo subire passivamente questa legge, ha deciso di rifiutarla facendo riferimento all’articolo 6 della stessa Costituzione Italiana, che tutela le minoranze linguistiche.
Non vogliamo ubbidire a quest’ordine anche perchè è incompatibile con il nostro progetto per “S’Iscola Sarda”: dobbiamo recuperare tutto quel tempo in cui non abbiamo studiato la lingua sarda come lingua normale e la storia della Sardegna dal Paleolitico ad oggi. Dobbiamo preparare i nostri studenti a vivere in questa terra e per questa terra, non certo a morire per l’Italia.
iRS lancia quindi un appello alle istituzioni della Regione Autonoma della Sardegna, in particolare ai consiglieri regionali che facendo parte del governo della Regione possono attuare una legge regionale, secondo l’esempio dell’Alto Adige/Südtirol, che tuteli il nostro diritto a non imporre l’insegnamento dell’inno agli studenti sardi. Già nel mese di marzo alcuni consiglieri si erano fatti portavoce di una protesta contro il ddl: ora chiediamo che tale protesta non sia solo parole!
Custa est s’ora de estirpare sos abusos e sos malos usos made in Italy!
Infine, una grande importanza avranno le mamme e i papà di Sardegna e gli insegnanti di ogni ordine e grado: a loro chiediamo di interrogarsi sul ruolo che hanno nell’educazione dei giovani sardi, e di mettersi una mano nella coscienza nel domandarsi se davvero vogliono che i valori di morte e sacrificio cantati dall’inno di Mameli siano messi a fondamento della società civile che stanno formando per il domani.
iRS – indipendèntzia Repùbrica de Sardigna
